მ უ ზ ა - ორმხრივი შთაგონება
მ უ ზ ა – ივენთ კომპანიაა, რომელიც გეგმავს, ორგანიზებას უწევს, აკოხტავებს, აფერადებს და დაუვიწყარ მოგონებად აქცევს თქვენთვის სასურველ ნებისმიერ წვეულებას თუ აღსანიშნავ მოვლენას.
ჩვენი მისიაა, მოგიხსნათ ღონისძიების დაგეგმვა-მოწყობასთან დაკავშირებული ნებისმიერი საზრუნავი, დავზოგოთ თქვენი დრო და ენერგია და ჩვენი ძალებით და შემოქმედებითი მიდგომით თქვენი წვეულება სრულყოფილ, ხარისხიან და დაუვიწყარ მოვლენად ვაქციოთ.
მ უ ზ ა მეგობრული მიდგომით გამოირჩევა. ამასთან, გვჯერა, რომ სრულყოფილება წვრილმანებშია. მ უ ზ ა ყოველთვის მზადაა, თქვენ მაგივრად იტვირთოს ღონისძიების დაგეგმარების ჯაფა და მაქსიმალურად იზრუნოს თქვენს ბედნიერ განწყობაზე. სწორედ ამიტომ შევძელით წლების მანძილზე სანდო და დახვეწილი კომპანიის სახელის დამკვიდრება საერთაშორისო თუ ადგილობრივი მასშტაბით.
ჩვენი ისტორია
წლების განმავლობაში, მე, სოფო ამირანაშვილი, სხვადასხვა ქვეყანაში, უამრავ საინტერესო წვეულებას ვეწვიე, იქ მიღებული ემოციები კი ხანგრძლივ, დაუვიწყარ მოგონებად გამყვა. სწორედ ეს ემოციები გახდა ჩემთვის ის “მუზა”, რომელმაც საკუთარი კომპანიის შექმნა და ადამიანებისთვის ფერადი, ლამაზი და ხალისიანი წუთების მიძღვნა შთამაგონა.
ამ საქმეს ვემსახურებით 2010 წლიდან და ჩვენს სტუმრებს უკვე ულევი ღიმილი, დადებითი ემოცია და მუხტი ვაჩუქეთ. სწორედ თქვენთვის მინიჭებული ეს ბედნიერებაა ჩვენი მუზა და შთაგონების წყარო.
მ უ ზ ე ბ ი ჩვენს საქმეს ჩვეული კრეატივით და დიდი პასუხისმგებლობით ვეკიდებით; ჩვენს პროფესიონალიზმს ენდობიან როგორც ადგილობრივი კომპანიები, ისე საერთაშორისო დამკვეთები თუ შეყვარებული წყვილები. მ უ ზ ე ბ მ ა სხვადასხვა ღონისძიების სახით უამრავი სიხარული და ბედნიერება გავეცით, რამაც ახალი შთაგონებებით და მიზნებით აგვავსო.